Batys Qazaqstanda jeńil avtokólik órtendi
ORAL. QazAqparat – Batys Qazaqstan oblysynda jeńil avtokólik qrtendi, dep habarlaıdy QazAqparat tilshisi.
BQO TJ departamenti zilzalalardyń qaýip-qaterin azaıtý jáne azamattyq qorǵaý salasyndaǵy baqylaý basqarmasynyń bastyǵy Erlan Tóregeldıevtiń aıtýynsha, oqıǵa 3 sáýir kúni Qaztalov aýdanynda boldy.
Saǵat 12.11-de aýdan ortalyǵy Qaztalov aýylyna kireberiste «Audi A6» avtokóligi otqa orandy.
Zardap shekkender joq.
«Tilsiz jaý» órt sóndirýshilerdiń kúshimen (4 adam, 1 tehnıka) saǵat 12.37-de aýyzdyqtaldy.
Jyl basynan beri avtokólikte 25 órt tirkeldi.
«Avtokólik qaýipsizdigi úshin órt sóndirý quralynyń bolǵany mańyzdy. Órt avtokólik ıesine ǵana emes, qorshaǵan ortaǵa da zalal keltirýi yqtımal. Órt kóbinese avtokóliktegi elektr symdarynyń nemese otyn júıesiniń durys jumys jasamaýy saldarynan shyǵady. Sondyqtan qaýipsizdik talaptaryn esten shyǵarýǵa bolmaıdy», dedi QazAqparat tilshisine E.Tóregeldıev.
Oqıǵa kýágerleriniń sózine qaraǵanda, avtokólik janyp keterdiń aldynda gaz quıatyn stansadan bagyn toltyryp shyqqan.
Eske sala keteıik, budan buryn BQO-da tótenshe jaǵdaı talabyn buzǵan aqtóbelik júrgizýshiniń qamaýǵa alynǵanyn, Oralda 9 qabatty úıdiń tóbesinde arba súıregen adamnyń serýendegenin jáne óńirde shekteý sharalary engizilgennen beri 88 adamnyń jaýapqa tartylǵanyn jazǵan bolatynbyz.
