Batys Qazaqstanda jeltoqsan aıynda 700-den astam adam koronavırýs juqtyrdy

BQO sanıtarlyq-epıdemıologııalyq baqylaý departamentiniń basshysy Muhamǵalı Aryspaevtyń málim etkenindeı, osy aıda Qaratóbeden basqa aýdandar men Oral qalasynda indet tirkelip otyr.

Sonyń ishinde 61,4 paıyzy (433-i) Oral qalasynyń úlesine tıedi. Sondaı-aq Bórli aýdanynda 102 (14,5 paıyz), Báıterekte 84 adamnyń (11,9 paıyz) aýyrǵany anyqtalǵan.

Batys Qazaqstan oblysynyń Reseıdiń bes óńirimen shektesetini belgili. Reseımen shekarada 7 avtoótkel ornalasqan.

Qazirgi tańda «Syrym» (Samara oblysymen shektesedi), «Tasqala» (Saratov), «Aqsaı» (Orynbor) jáne «Jánibek» (Volgograd) avtoótkelderinde sanıtarlyq-karantındik baqylaý jumystary táýlik boıy júrgizilýde. «Orda», «Qaztalov», «Shaǵan» avtoótkelderi ýaqytsha jabylǵan.

1-20 jeltoqsan aralyǵynda memlekettik shekaradan 18542 adam ótse, sonyń 3242-si – jolaýshylar. Anyqtamasy joq 571 jolaýshy karantındik statsıonarǵa jatqyzylyp, tórteýinen kovıd tabyldy.

Júk tasymalymen aınalysatyn 9313 júrgizýshiniń 6285-inde anyqtamasy bolǵan. Anyqtamasy joq 3028 júrgizýshiniń jeteýinen indet anyqtaldy. 373 adam shekaradan kirgizilgen joq.

M.Aryspaevtyń sózine qaraǵanda, Reseı eliniń 85 óńirinde aýyrǵandardyń táýliktik ósimi 28209-dan asqan. Sonyń ishinde Samara oblysynda táýligine 305 (barlyǵy 27723), Orynborda 178 (26605), Saratovta 263 (31565), Volgogradta 276 (32131), Astrahanda 182 (16591) adamnyń koronavırýs juqtyrǵany tirkelgen.

Sonymen qatar kórshiles Atyraý oblysynyń «qyzyl aımaqqa» kirgeni málim. Osyǵan baılanysty jedel shtab otyrysynda óńirde sanıtarlyq talaptardyń oryndalýyna baqylaýdy kúsheıtý kerektigi atap ótilip, tıisti tapsyrmalar berildi.

Eske sala keteıik, budan buryn BQO-da juqpaly aýrýlar aýrýhanalarynda 155 naýqastyń emdelip jatqanyn, 100-ge jýyq nysannyń sanıtarlyq talapty buzǵanyn jazǵan bolatynbyz.

Sondaı-aq shekaradan ótken 31 adamnan koronavırýs anyqtaldy.