Batys Qazaqstanda jeldiń kúsheıetini jóninde taǵy da eskertý jarııalandy
ORAL. QazAqparat - «Qazgıdromet» RMK BQO fılıalynyń málimeti boıynsha 31 mamyr jáne 1 maýsym kúnderi oblys aýmaǵynda shyǵystan soǵatyn jeldiń jyldamdyǵy sekýndyna 15-20 metrge deıin jetýi yqtımal, dep habarlaıdy «QazAqparat» tilshisi.
BQO TJ departamenti jedel kezekshisiniń kómekshisi, azamattyq qorǵaý serjanty Aslanbek Haırýllınniń aıtýynsha, osyǵan baılanysty oblys boıynsha tótenshe jaǵdaılardyń aldyn alý maqsatynda taǵy da eskertý jarııalandy. Qazirgi kezde táýlik boıy kezekshilik uıymdastyrylyp, tıisti sharalar alynýda.
Aıta keteıik, munyń aldynda 29 jáne 30 mamyr kúnderi qatty jeldiń turatyny jóninde aldyn ala eskertý jarııalanǵan bolatyn. Jeldiń kúsheıýine baılanysty keı jerlerde elektr jaryǵynyń sónip qalýy oryn aldy.
