Batys Qazaqstanda jel kúsheıip, tuman túsedi
ORAL. QazAqparat – Batys Qazaqstan oblysynda tuman túsip, jel kúsheıedi, dep habarlaıdy QazAqparat tilshisi.
«Qazgıdromet» RMK BQO fılıalynyń málimetine qaraǵanda, 13 sáýir kúni keı jerlerde tumanǵa qosa soltústik-batystan soǵatyn jeldiń jyldamdyǵy sekýndyna 15-20 metrge jetýi yqtımal.
Osyǵan baılanysty BQO TJ departamenti eskertý jarııalap, turǵyndar arasynda tótenshe jaǵdaılardy boldyrmaý maqsatynda tıisti sharalar alynyp jatqanyn habarlady.
Táýlik boıy kezekshilik uıymdastyrylyp, apatty jaǵdaıdy joıý úshin kúsh-quraldar daıyndyqqa keltirildi.
Oralda búgin de kún jelkem bolyp tur.
