Batys Qazaqstanda jel kúsheıip, naızaǵaı oınaıdy
ORAL. QazAqparat – Batys Qazaqstan oblysynda aýa raıynyń buzylýyna baılanysty eskertý jarııalandy, dep habarlaıdy QazAqparat tilshisi.
«Qazgıdromet» RMK BQO fılıalynyń málimetine qaraǵanda, 15 qyrkúıek kúni kúndiz óńirdiń keı jerlerinde ońtústik-batystan soǵatyn jeldiń jyldamdyǵy sekýndyna 15-20 metrge jetedi.
Sondaı-aq, kún kúrkirep, burshaq jaýýy yqtımal.
Oral qalasynda jel ekpini sekýndyna 18 metrge jetip, naızaǵaı oınaıdy.
BQO TJ departamenti osyǵan baılanysty turǵyndar arasynda tótenshe jaǵdaılardy boldyrmaý, ómirlik mańyzy zor nysandardyń qalypty qyzmetin qamtamasyz etý maqsatynda tıisti sharalar alynyp jatqanyn habarlady. Táýlik boıy kezekshilik uıymdastyrylyp, tótenshe jaǵdaılardy joıatyn kúsh-quraldar daıyndyqqa keltirildi.
