Batys Qazaqstanda jel kúsheıip, burqasyn kóteriledi
ORAL. QazAqparat - «Qazgıdromet» RMK Batys Qazaqstan oblystyq fılıalynyń málimetine qaraǵanda, 18 naýryz kúni óńirdiń keı jerlerinde aýa raıy buzylady, dep habarlaıdy «QazAqparat» tilshisi.
Kóktaıǵaq, tuman, burqasyn bolyp, ońtústik-batystan soǵatyn jeldiń jyldamdyǵy sekýndyna 15-20 metrge deıin jetedi.
Oral qalasynda da osyndaı aýa raıy bolyp, jeldiń ekpini sekýndyna 18 metrge jetýi yqtımal.
Osyǵan oraı BQO TJ departamenti eskertý jarııalap, qaýipsizdik sharalary qolǵa alynýda.
