Batys Qazaqstanda jel kúsheıetini jóninde eskertý jarııalandy
ORAL. QazAqparat - «Qazgıdromet» RMK BQO fılıalynyń málimetine qaraǵanda, 25 mamyr kúni óńirdiń keı jerlerinde ońtústik-batystan soǵatyn jeldiń jyldamdyǵy sekýndyna 15-20 metrge deıin jetedi, dep habarlaıdy QazAqparat tilshisi.
Shańdy daýyl da soǵýy yqtımal. Al 26 mamyr kúni jel soltústik-shyǵystan turyp, ekpini sekýndyna 25 metrge deıin jetýi múmkin. Oblys ortalyǵy Oral qalasynda da osyndaı aýa raıy oryn almaq.
BQO TJ departamenti osyǵan baılanysty eskertý jarııalap, turǵyndar arasynda tótenshe jaǵdaılardy boldyrmaý maqsatynda sharalar jasalyp jatqanyn jetkizdi.
Eske sala keteıik, budan bir aıdaı ýaqyt buryn, 28 sáýir kúni BQO-da kúshti jel 14 ǵımarattyń shatyryn julyp áketip, Oralda eki adamnyń jaraqat alǵanyn jazǵan bolatynbyz.
