Batys Qazaqstanda jaz shyqqaly 15 adam sýǵa batyp kóz jumdy
Oblystyq tótenshe jaǵdaılar departamentiniń baspasóz qyzmetiniń málimetinshe, onyń ishinde 6 bala bar.
Marqumdardyń beseýi mas kúıinde sýǵa túsken, jalpy 13 adam sýǵa túsýge arnap jabdyqtalmaǵan jerde shomylǵan.
Taǵy 2 adam shomylýǵa ruqsat etilgen orynda batyp ketti.
Oblystyq TJD óńir azamattaryna jabdyqtalmaǵan jáne tyıym salynǵan jerde shomylý faktilerine kez bolǵan jaǵdaıda 51-42-22 nómirine nemese 112 qyzmetine habarlaýyn ótinedi.
«Qurmetti oblys turǵyndary men qonaqtary, sý aıdynynda qaýipsizdik erejelerin saqtańyzdar. Ózińizdi jáne jaqyndaryńyzdy qorǵańyz» dep eskertedi departament.
Eske sala keteıik, buǵan deıin Batys Qazaqstan oblysynda bes jasar bala sýǵa batyp ketkenin habarlaǵan bolatynbyz.
Oqıǵa 28 shilde kúni Báıterek aýdany Jaıyq aýylynda «Saya» demalys bazasynda bolǵan.