Batys Qazaqstanda jaıaý burqasyn soǵyp, kóktaıǵaq bolady
ORAL. QazAqparat - Batys Qazaqstan oblysynda aýa raıynyń buzylatyny jóninde eskertý jarııalandy, dep habarlaıdy QazAqparat tilshisi.
«Qazgıdromet» RMK málimetine qaraǵanda, 27 jeltoqsan kúni óńirdiń keı jerlerinde tuman túsedi.
Jaıaý burqasyn kóterilip, ońtústikten soǵatyn jeldiń jyldamdyǵy sekýndyna 15-20 metrge jetýi yqtımal.
Sondaı-aq kóktaıǵaq bolady.
Osyǵan baılanysty BQO TJ departamenti tótenshe jaǵdaılardy boldyrmaý maqsatynda tıisti sharalar alynyp jatqanyn habarlady.
