Batys Qazaqstanda jaýǵan burshaq týraly sınoptıkter aıtyp berdi
ALMATY. QazAqparat - «Qazgıdromet» mamandary Batys Qazaqstanda jaýǵan burshaq týraly túsinikteme berdi, dep habarlaıdy QazAqparat tilshisi.
«Burshaq 1 saǵattyń ishinde jaýǵanyna baılanysty (keshki 17:00- 18:00) bıiktigi keı jerlerde 9-10 santımetrge jetti. Bul qar jaýǵandaı áser qaldyrdy. Darııan eldi mekenindegi agrometeorologııalyq bekette 11 shildede 99,6 mm jaýyn-shashyn túsken», - dedi sınoptıkter.
Mamandar jaz mezgilinde burshaq jaýýy qalypty qubylys dep sanaıdy. Statıstıka boıynsha 15 naızaǵaıly nóserdiń arty burshaqqa ulasady.
Tabıǵat qubylysy sýyq atmosfera aǵyndarynyń ótýine baılanysty.
«11 shildede Batys Qazaqstan oblysynda barıı qysymy óte joǵary boldy. Tý syrtyndaǵy Kar teńizinen sýyq jáne ylǵal aýa keldi. Bul óz kezeginde sýyq arktıkalyq aýa aǵyndarynyń yqpalyn jedeldetti. BQO ústinen aýa aǵynynyń jeke tsıklony - tómen qysymdy aýmaq qalyptasty. Saldarynan ylǵal aýa joǵary kóterilip, atmosferada sýy býy kondensatsııalanyp iri jaýyndy bulttar paıda boldy. Bulttar 9-10 shaqyrymǵa kóterilgen kezde ústińgi bóliginde sý tamshylary muzǵa aınalǵan. Sóıtip, olar jer betine joǵary jyldamdyqpen erip úlgermesten túsken», - dedi mamandar.
Eske sala keteıik, keshe keshkisin Oral qalasynan 20 shaqyrym qashyqtyqta Darııan aýylynda kútpegen jerden qatty burshaq jaýǵan bolatyn. Keı jerlerde burshaq dıametri 8 mm bolsa, keıbir jerlerde 2 sm-ge jetti.
Sondaı-aq, Zelenov aýdany ákiminiń orynbasary Asylulan Dosjanovtyń aıtýynsha, qazirgi ýaqytta burshaqtan kelgen shyǵyn kólemi eseptelýde.
