Batys Qazaqstanda «Jastar tájirıbesine» qatysýshylar «Bıznes - Keńes» jobasy boıynsha bilim alýda
Oǵan 20 shaqty jas qatysty. Deni - «Jastar tájirıbesi» baǵdarlamasy boıynsha jumysqa ornalasyp jatqan jas mamandar.
«Damý» qory oblystyq fılıalynyń menedjeri Ásel Jaqypovanyń aıtýynsha, semınardy uıymdastyrýdaǵy basty maqsat - kásipkerlerge jáne kásipkerlikke yntaly qaýymǵa tıimdi bıznes qurýǵa kómektesip, kásipkerliktiń «álippesin» oqytý. Oqytýdyń bıylǵy bir ereksheligi, isti jańadan bastaǵan jáne burynnan jumys istep kele jatqan kásipkerlerge semınarlar bólek ótkizilýde. Qatysýshylar marketıng, halyqpen jumys isteý, bıznesti júrgizýdiń zańdylyq negizderi, salyq tóleý, aqparattyq-tehnologııa jetistikterin paıdalaný boıynsha dárister tyńdady.
Alǵashqy semınar Zelenov aýdanynan bastalǵan bolatyn. Mundaı oqýlar kestege saı barlyq aýdandardy ótedi. Sóıtip, semınarlarǵa 500-ge jýyq adamdy qatystyrý kózdelip otyr.