Batys Qazaqstanda jasóspirimder arasynda sambodan el chempıonaty márege jetti
ORAL. QazAqparat - Aqsaı qalasynda sambo kúresinen 2002-2003 jylǵy jasóspirim uldar men qyzdar arasynda el chempıonaty márege jetti, dep habarlaıdy QazAqparat tilshisi.
Birneshe kúnge sozylǵan jarys qorytyndysynda salmaq dárejelerine qaraı jeńimpazdar anyqtaldy.
Qyzdar arasynda Arýjan Arman (38 kg, Almaty oblysy), Ásemkúl Baltabaı (41 kg, Shymkent), Qundyz Jylqybaı (44 kg, Qyzylorda), Gýzal Aıýpova (48 kg, Almaty o.), Nargız Voısova (52 kg, Qyzylorda), Aqnur Asylbekova (56 kg), Aıdana Jarbolova (60 kg, ekeýi de Almaty o.), Mádına Erjan (65 kg, Astana), Rıza Súleımenova (70 kg, BQO) jáne Karına Skogoreva (+70 kg, Almaty o.) jeńis tuǵyryna kóterildi.
Uldardan Nurdáýlet Erik (42 kg, Jambyl), Ernar Qýandyq (46 kg, Qyzylorda), Mádı Orazov (50 kg), Mádenıet Qulmanov (55 kg, ekeýi de Atyraýdan), Dıas Májıtov (60 kg, Baıqońyr), Іlııas Ábdýahas (66 kg, Túrkistan), Serikbol Estaı (72 kg, ShQO), Beksultan Áshen (78 kg, Túrkistan), Muhamedálı Mavlıdov (84 kg, Almaty o.), Zamır Hamzın (+84 kg, BQO) chempıon atandy.
Jarystyń bas hatshysy Nuftolla Túmenovtiń aıtýynsha, úzdik shyqqandarǵa QR sport sheberine úmitker ataǵy berilip, ulttyq qurama jasaqtalady. El quramasy osy jyldyń 7-8 jeltoqsan kúnderi Serbııa eliniń Novı-Sad qalasynda ótetin álem chempıonatyna qatysady
