Batys Qazaqstanda jas jigit sýǵa batyp ketti
ORAL. QazAqparat – Batys Qazaqstan oblysynda jas jigit sýǵa batyp ketti, dep habarlaıdy QazAqparat tilshisi.
BQO TJ departamentiniń baspasóz qyzmeti málim etkenindeı, oqıǵa 2 maýsym kúni Oral qalasyna qarasty Krýgloozernyı kentinde boldy.
Saǵat 09.50-de 1994 jylǵy jigit shomylýǵa jabdyqtalmaǵan jerde Kóshim kanalyna túsip, batyp ketken.
Marqumnyń denesi BQO TJ departamenti jedel qutqarý jasaǵynyń (6 adam, 1 tehnıka, 1 júzý quraly) kúshimen saǵat 11.17-de sýdan shyǵaryldy.
Bıyl osymen Batys Qazaqstanda 9 adam sýǵa ketse, sonyń ekeýi – bala.
BQO TJ departamenti sýǵa túskende, qaýipsizdik erejelerin umytpaý kerektigin turǵyndar esine salady.
Eske sala keteıik, budan buryn Batys Qazaqstanda júrgizýshiniń Jaıyq ózenine batyp ketkenin, Oralda kishkentaı balanyń 5-qabattan qulap ketkenin jazǵan bolatynbyz.
