Batys Qazaqstanda jármeńke ótkizýge tyıym salynady

NUR-SULTAN. QazAqparat – Batys Qazaqstan oblysynyń bas sanıtar dárigeriniń jańa qaýlysy shyqty, dep habarlaıdy QazAqparat.

Qujat boıynsha, 17 shildeden bastap jabyq úı-jaılarda da, ashyq aýada da jármeńke túrlerin ótkizýge tyıym salynady.

Al qala ishindegi marshrýttyq avtobýstar jeksenbi kúni júrmeıdi. Basqa kúnderi qarbalas ýaqyttarda avtobýstar sany kóbeıtiletin boldy.

«Kondýktordyń bolýy, sońǵy aıaldamada salondy dezınfektsııalaý quraldarymen óńdeý, barlyq esikterdi ashý, teri antıseptıgi bar sanıtaızerlerdi qoljetimdi oryndarǵa ornatý, adam sany oryndyq sanyn asyrmaý talaptary saqtalýy kerek», - delingen qaýlyda.

Qaýly 2021 jyldyń 17 shildesinen bastap kúshine enedi.

Onyń tolyq mátinimen myna jerden tanysýǵa bolady.