Batys Qazaqstanda jańbyr men kóktaıǵaqqa baılanysty jol jabyldy
ORAL. QazAqparat – Batys Qazaqstan oblysynda jańbyr men kóktaıǵaqqa baılanysty jol jabyldy, dep habarlaıdy QazAqparat tilshisi.
«Qazaqavtojol» JShS BQO fılıalynyń málimetine qaraǵanda, aýa raıynyń nasharlaýyna baılanysty (kóktaıǵaq, jańbyr) respýblıkalyq mańyzy bar Samara-Shymkent jolynda (394-526 km, Jympıty – Aqtóbe oblysynyń shekarasy) barlyq kólik túrleri úshin qozǵalysqa shekteý qoıyldy.
Atalmysh baǵytta jol 27 jeltoqsan kúngi saǵat 05.00-den bastap jabyldy.
Osyǵan baılanysty BQO TJ departamenti eskertý jarııalap, turǵyndarǵa SMS habarlamalar jiberdi.
Sonymen qatar oblystyq mańyzy bar «Bórli-Aqsaı-Jympıty», «Aqsaı-Shyńǵyrlaý», «Shyńǵyrlaý-Aqshat-Segizsaı», «Fedorov-Aqsaı» joldary da jabyldy.
