Batys Qazaqstanda jańa geoportaldyń jumysy tanystyryldy
Óńir basshysynyń atap ótkenindeı, geoportal «Tsıfrly Qazaqstan» memlekettik baǵdarlamasy aıasynda jasaqtaldy.
Mundaǵy maqsat – zańdy jáne jeke tulǵalar, bıznes jáne memlekettik qyzmetti avtomattandyrý ókilderi úshin jer qatynastary men jer qoınaýyn paıdalaný salasynda qoljetimdi aqparatpen qamtamasyz etý.
Geoportaldyń artyqshylyǵy sol, jerdiń ornalasýyn, ıesi kim ekendigin, qandaı maqsatta paıdalanylyp otyrǵanyn dál kórsetedi.
«Geoportal jer telimderin maqsatyna paıdalanbaı, salyqtan jaltaryp otyrǵan josyqsyz kásipkerlerdi anyqtaýǵa járdemdesedi. Mysaly, portalda turǵyn úı qurylysy úshin bólingen jerde saýda nysany salynyp jatqany kórinip tur. ıAǵnı jer ıesi salyq tólemesten, ony saýda qyzmetin júrgizýge paıdalanýda. Osy derekterdiń bári shara qoldaný úshin salyq qyzmetine beriledi. Mundaı qyzmetpen aınalysatyn kásipkerler jer telimderiniń paıdalaný maqsatyn ózgertip, tirkelýi tıis. Qazir olar kommertsııalyq qyzmetti zańsyz júrgizýde. Zańsyz kásipkerlik qyzmetti tekserý úshin moratorıı kedergi keltirmeıdi», dedi Ǵalı Nájimedenuly.
Jańa júıe azamattardyń aryz-shaǵymyn jedel qaraýǵa múmkindik beredi. Ákim vatsap nómirine kelgen shaǵymnyń birin júktep kórip edi, baǵdarlama sanaýly mınýttar ishinde jer telimi týraly barlyq málimetti shyǵaryp berdi.
Oblystyq jer qatynastary basqarmasynyń basshysy Murat Ómirálıevtiń málim etkenindeı, óńirde 2019-2020 jyldary 922 myń gektar aýyl sharýashylyǵy jeriniń paıdalanylmaı otyrǵandyǵy anyqtaldy. Sonyń ishinde 653 myń gektary bıyl belgili boldy.
Túsindirý jumystary nátıjesinde 134 myń gektary nemese 15 paıyzy memleket menshigine qaıtaryldy. Al 486 myń gektardy (53 paıyzy) paıdalanýshylar sol jer telimderin ıgerýge kiristi.
Memleketke qaıtarylǵan jerlerdi aınalymǵa engizý úshin aýyl sharýashylyǵy jerin paıdalanýǵa quqyq beretin konkýrstar ótkizilýde. Bıyl 47 konkýrs ótkizilip, jalpy kólemi 509 myń ga 650 jer telimi usynyldy. Jyl sońyna deıin jergilikti atqarýshy organdar 26 jer telimi boıynsha taǵy 4 konkýrsty ótkizýdi josparlap otyr.
Geoportaldy jasaǵan «KeyHorse» JShS basshysy Nurhat Muqatovtyń sózine qaraǵanda, oǵan 62 taqyryptyq taraý engizilgen, onyń quramyna ákimshilik-aýmaqtyq bólinister shekaralary, bas josparlar, gıdrotehnıkalyq qurylymdar men magıstraldy qubyrlar, avtomobıl jáne temir joldar, salalyq tizilimder jáne basqalar kiredi.
«Joǵary sapaly aerofototúsirilim jasalyp, jer telimderi boıynsha memlekettik jer kadastrynyń avtomattandyrylǵan aqparattyq júıesiniń derekteri jınaqtaldy. Sondaı-aq ınjenerlik jeli, aýyl sharýashylyǵy jerleri, mádenıet, bilim, densaýlyq saqtaý jáne basqa nysandar boıynsha málimetter engizildi. Geoportaldyń basqa memlekettik aqparatttyq júıelermen yqpaldastyǵy boıynsha jumystar da máresine jetti», dedi N.Muqatov.
Eske sala keteıik, budan buryn BQO-da 911 myń gektar aýyl sharýashylyǵy jeriniń paıdalanylmaı otyrǵanyn jazǵan bolatynbyz.
