Batys Qazaqstanda jalǵan vaktsına qujatyn paıdalanǵan adam ustaldy

ORAL. QazAqparat - Batys Qazaqstan oblysynda jalǵan vaktsına qujatyn paıdalanǵan Atyraý turǵyny ustaldy, dep habarlaıdy QazAqparat tilshisi.

BQO polıtsııa departamenti baspasóz qyzmetinen túsken málimetke qaraǵanda, oqıǵa Aqsaı qalasynda boldy.

Osyndaǵy uıymdardyń birinde qaýipsizdik tehnıkasy bóliminiń basshysy qyzmetin atqaratyn 1985 jylǵy A-nyń jumys ornynda jalǵan vaktsına qujatyn paıdalanǵany anyqtaldy.

Kúdikti kinásin moıyndady.

Qazirgi kezde QR Qylmystyq kodekstiń 385-baby 3-bóligine (jalǵan qujat jasaý nemese ótkizý) sáıkes sotqa deıingi tergeý amaldary júrgizilýde.

Eske sala keteıik, budan buryn Oralda adam óltirgen 33 jastaǵy kúdiktiniń qolǵa túskenin jazǵan bolatynbyz.