Batys Qazaqstanda uıymdasqan qylmystyq toptyń múshesi ustaldy - ІІM
ASTANA. 14 tamyz. QazAqparat - Batys Qazaqstan oblystyq Іshki ister departamenti Uıymdasqan qylmysqa qarsy kúres basqarmasynyń qyzmetkerleri uıymdasqan qylmystyq toptyń 27 jastaǵy múshesin qolǵa túsirdi.
Bul týraly búgin aptalyq brıfıng barysynda QR Іshki ister mınıstrliginiń resmı ókili Nurdildá Oraz málim etti.
Onyń atap ótýinshe, ol ótken jyldyń qazanynda jalǵan qujat arqyly Belarýs Respýblıkasynan Qazaqstanǵa «Honda Akkord» jáne «Mıtsýbıshı Aýtlendr» markaly avtokólikterin ótkizgen.
«Mıtsýbıshı Aýtlendr» markaly avtokóliktiń Máskeý qalasynda urlanyp, tirkeýde turǵany anyqtaldy. Sondaı-aq, «Honda Akkord» markaly avtokóliginiń agregattyq málimetteri boıynsha Máskeýdegi «Honda Motors Rýs» AAQ-qa suraý salyndy», - dedi resmı ókil.
N. Orazdyń sózine qaraǵanda, atalǵan azamatqa qatysty QR QK-niń 325-baby boıynsha qylmystyq is qozǵalyp, «qamaý» túrindegi bultartpaý sharasy qoldanyldy.
