Batys Qazaqstanda úıýli turǵan 187 tonna pishen otqa orandy
BQO TJD baspasóz qyzmetinen túsken málimetke qaraǵanda, oqıǵa 4 shilde kúni Jańajol aýyldyq okrýginde boldy.
«Saǵat 17.51-de Toqsanbaı eldi mekeni mańynda pishen janyp jatqany jóninde habar túsken. Oqıǵany barlaý barysynda «Arýjan» sharýa qojalyǵy aýmaǵynda 450 sharshy metr alańda úıilgen 187 tonna pishen men oǵan qosa qoranyń (aýmaǵy 75 sharshy metr) órtenip jatqany anyqtaldy. Zardap shekkender joq. Órtti sóndirýge 11 adam 3 tehnıkamen jumyldyryldy. «Tilsiz jaý» 5 shilde kúngi saǵat 4.28-de oqshaýlanyp, 6.07-de aýyzdyqtaldy. Qazir órttiń shyǵý sebebi, keltirilgen shyǵyn anyqtalý ústinde», - dep habarlady vedomstvodan.
Bul - Qaztalov aýdanyndaǵy osyndaı ekinshi oqıǵa. 22 maýsym kúni saǵat 22.55-te Ájibaı aýyldyq okrýgi Qyrkól qystaǵynda «Bagısova» sharýa qojalyǵy aýmaǵynda ótken jyldan qalǵan 237 tonna pishen (2500 sharshy metr) órtendi. Oqıǵa ornynda Aqjaıyq aýdany Jańabulaq aýylynyń turǵyny, 1972 jylǵy er adam aýyr kúıik jaraqatyn aldy. Órt 23 maýsymda saǵat 15.05-de sóndirildi. Aýdandyq aýrýhanadan túsken málimet boıynsha, denesiniń 85 paıyzyn kúıik shalǵan er adam 23 maýsymda saǵat 23.30-da kóz jumdy.
Eske sala keteıik, budan buryn Oral áýejaıynda Toyota Ipsum avtokóligi janyp ketkenin jazǵan bolatynbyz.
