Batys Qazaqstanda úsik júredi
ORAL. QazAqparat – Batys Qazaqstan oblysynda úsik júretini jóninde eskertý jarııalandy, dep habarlaıdy QazAqparat tilshisi.
«Qazgıdromet» RMK BQO fılıalynyń málimeti boıynsha 5 qyrkúıek kúni túnde keı jerlerde topyraq betinde 1-3°S úsik bolýy yqtımal.
Osyǵan baılanysty BQO TJ departamenti turǵyndar arasynda tótenshe jaǵdaılardy boldyrmaý, ómirlik mańyzy zor nysandardyń qalypty qyzmetin qamtamasyz etý baǵytynda sharalar qolǵa alynyp jatqandyǵyn jetkizdi.
Táýlik boıy kezekshilik uıymdastyrylyp, tótenshe jaǵdaılardy joıýǵa qajetti kúsh-quraldar daıyndyqqa keltirildi.
Aıta keteıik, óńirde úsik júretini jóninde budan buryn da eskertilgen bolatyn.
