Batys Qazaqstanda túske deıin 20 adam kólikterin zańdastyrdy
BQO polıtsııa departamentiniń baspasóz qyzmetinen málim etkenindeı, Oral qalasyndaǵy Jáńgir han kóshesi 160-mekenjaıynda ornalasqan mamandandyrylǵan halyqqa qyzmet kórsetý ortalyǵyna túske deıin 50-ge jýyq adam kelip, ótinish bildirdi.
Sonyń 20-sy jańa qazaqstandyq nómirlermen ketti.
Mamandandyrylǵan HQKO qyzmetkerleri atap ótkenindeı, tirkeý týraly ótinimdi kez kelgen halyqqa qyzmet kórsetý ortalyǵynda nemese e-gov arqyly berýge bolady. Budan bólek, «elektrondyq úkimettiń» saıtynda jabyq boksta teksertý úshin aldyn ala kezek brondaýǵa bolady. Onda krımınalıster agregattyq nómirlerdi kólik quralyn tirkeý týraly kýáligindegi málimettermen salystyrady, avtokólikti krımınaldyq esepter boıynsha tekseredi. Eger mashına talaptarǵa saı bolsa (shetelde esepten shyǵarylǵan, kedendik tazartýdan ótken jáne t.b.), adam Qazaqstanda tirkelgen kóliktiń zańdy ıesi bolady.
«Polıtsııa qyzmetkerleri jurtshylyqpen kezdesip, BAQ jáne áleýmettik jeliler arqyly turǵyndardyń suraqtaryna jaýap berdi. Barlyq másele boıynsha BQO PD protsessıngtik ortalyǵyna 8 (7112) 92-10-02, 98-43-29 telefondary arqyly habarlasýǵa bolady», dep habarlady vedomstvodan.
Foto – BQO polıtsııa departamenti