Batys Qazaqstanda turmystyq tehnıka tıelgen júk kóligi janyp ketti

ORAL. QazAqparat – Batys Qazaqstan oblysynda turmystyq tehnıka tıelgen júk kóligi janyp ketti, dep habarlaıdy QazAqparat tilshisi.

BQO TJ departamentiniń baspasóz qyzmetinen málim etkenindeı, oqıǵa 20 maýsym kúni saǵat 11.51-de Syrym aýdany aýmaǵynda boldy.

Samara-Shymkent jolynyń 360-shaqyrymynda Jympıty aýylynan 30 shaqyrym jerde Oralǵa taýar tıep kele jatqan Scania júk kóligi otqa orandy.

«1957 jylǵy júrgizýshi aıdaǵan avtokólik pen turmystyq tehnıka tıelgen tirkemesinen túk qalmaı janyp ketti. Júrgizýshiniń sózine qaraǵanda, tirkemege 15-16 tonnadaı júk (teledıdar, kondıotsıoner jáne basqa turmystyq tehnıkalar) tıelgen. Órt sóndirýshiler jalyndy ekinshi tirkemege jibermedi. Zardap shekkender joq. Qazirgi kezde taýardyń ıesi, órtten kelgen shyǵyn kólemi anyqtalý ústinde», dep habarlady vedomstvodan.