Batys Qazaqstanda turǵyn úıden eki zeınetkerdiń máıiti tabyldy
ORAL. QazAqparat - Batys Qazaqstan oblysynda turǵyn úıden eki zeınetkerdiń múrdesi tabyldy, dep habarlaıdy QazAqparat tilshisi.
BQO polıtsııa departamenti málim etkendeı, oqıǵa 25 aqpan kúni Báıterek aýdany Trekın aýylynda bolǵan.
Saǵat 18.00-de óz úıinen 1956 jylǵy eki zeınetkerdiń múrdesi tabyldy.
Aldyn ala málimetke qaraǵanda, olar tabıǵı gazdan ýlanyp, qaıtys bolǵan.
Turǵyndardyń sózine qaraǵanda, áıeli dıvanda otyrǵan jerinde jan tapsyrsa, kúıeýi syrtqy esikke jete almaǵan.
Qazirgi kezde oqıǵanyń jaı-japsary anyqtalyp jatyr.
Eske sala keteıik, biz osyǵan deıin Batys Qazaqstan oblysynda jeti eldimekenniń jaryqsyz qalǵanyn jazǵan bolatynbyz.
