Batys Qazaqstanda turǵyn úıdegi órt ornynan 2 adamnyń múrdesi tabyldy

ORAL. QazAqparat – Batys Qazaqstan oblysynda turǵyn úıdegi órt ornynan eki adamnyń múrdesi tabyldy, dep habarlaıdy QazAqparat tilshisi.

BQO TJ departamentiniń baspasóz qyzmeti málim etkenindeı, 27 naýryz kúni saǵat 00.30-da Báıterek aýdany Kóshim aýylynda boldy.

Dostyq kóshesi 36-mekenjaıynda jeke turǵyn úı otqa orandy. Aýmaǵy 30 sharshy metrdi qamtyǵan úıde jeke zattar men jumsaq jıhaz janǵan.

Órt ornynan gazdan ýlaný belgileri bar 1951 jáne 1981 jylǵy eki er adamnyń múrdesi tabyldy.

«Tilsiz jaý» saǵat 02.03-te oqshaýlanyp, 02.50-de tolyqtaı aýyzdyqtaldy.

Ot shylym shegý kezinde abaı bolmaýdan shyǵýy múmkin degen boljam bar.

Kináli adamdar men keltirilgen zalal anyqtalý ústinde.

Eske sala keteıik, budan buryn Oralda tapanshamen júrgen er adamnyń qolǵa túskenin jazǵan bolatynbyz.