Batys Qazaqstanda turǵyn úı otqa orandy
ORAL. QazAqparat – Batys Qazaqstan oblysynda turǵyn úı órtendi, dep habarlaıdy QazAqparat tilshisi.
BQO TJ departamentiniń baspasóz qyzmeti málim etkenindeı, oqıǵa 2 aqpan kúni Bórli aýdany Aqsý aýylynda boldy.
Saǵat 09.05-te eki páterlik úıde órt shyqqany jóninde habar túsken.
Órt sóndirýshiler jetken kezde páterdiń bireýi otqa oranǵany anyqtaldy. Jalyn ekinshi páterdiń de shatyryn sharpyǵan. Órt aýmaǵy 100 sharshy metrdi qurady.
«Tilsiz jaý» saǵat 10.37-de tolyqtaı aýyzdyqtaldy.
Qazirgi kezde órttiń shyǵý sebebi, kináliler, keltirilgen shyǵyn anyqtalý ústinde.
Óńirde jyl basynan beri 32 órt bolyp, sonyń saldarynan 2 adam jaraqat aldy.
Eske sala keteıik, budan buryn Oralda jeke turǵyn úıdiń órtengenin, gazdan ýlanǵan 58 jastaǵy er adamnyń kóz jumǵanyn jazǵan bolatynbyz.
