Batys Qazaqstanda turǵyn úı órtenip ketti

ORAL. QazAqparat – Batys Qazaqstan oblysynda turǵyn úı órtenip ketti, dep habarlaıdy QazAqparat tilshisi.

BQO TJ departamentiniń baspasóz qyzmetinen málim etkenindeı, oqıǵa 2 sáýir kúni Qaratóbe aýdany Qaldyǵaıty aýylynda boldy.

«Saǵat 12.53-te Altyn taǵa kóshesi 7/1-mekenjaıynda eki páterlik úıdiń bir jaǵy janyp jatqany jóninde habar túsken. Órt aýmaǵy shamamen 100 sharshy metrdi qamtydy. Zardap shekkender joq. «Tilsiz jaý» saǵat 15.19-da oqshaýlanyp, 16.21-de aýyzdyqtaldy. Qazirgi kezde órttiń shyǵý sebebi, keltirilgen shyǵyn anyqtalý ústinde», dep habarlady vedomstvodan. Turǵyndardyń sózine qaraǵanda, órt saldarynan bir otbasy baspanasyz qaldy. Kúni búgin olarǵa kómek uıymdastyrylyp jatyr.