Batys Qazaqstanda tuman túsip, jel kúsheıedi
ORAL. QazAqparat – Batys Qazaqstan oblysynda aýa raıynyń buzylatyny jóninde eskertý jarııalandy, dep habarlaıdy QazAqparat tilshisi.
«Qazgıdromet» RMK BQO fılıalynyń málimetine qaraǵanda, 8 qarasha kúni óńirdiń keı jerlerinde tuman túsedi.
Soltústik-batystan, batystan soǵatyn jeldiń jyldamdyǵy kúndiz sekýndyna 15-20 metrge deıin jetýi yqtımal.
Oral qalasynda da kúndiz jel kúsheıip, ekpini sekýndyna 18 metrge jetpek.
Osyǵan baılanysty BQO TJ departamenti turǵyndar arasynda tótenshe jaǵdaılarǵa jol bermeý, ómirlik mańyzy zor nysandar, elektr jáne baılanys jelileriniń úzdiksiz jumysyn qamtamasyz etý maqsatynda tıisti sharalardyń alynyp jatqanyn jetkizdi.
