Batys Qazaqstanda traktor aýdarylyp, eki adam qaza tapty
ORAL. QazAqparat - Batys Qazaqstan oblysynda traktor aýdarylyp, eki adam qaza tapty, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, oqıǵa 26 tamyz kúni Bókeı ordasy aýdanynda boldy.
Shamamen saǵat 10.30-da aýdan ortalyǵy Saıqyn aýylynda traktor aýdarylyp qaldy.
Sonyń saldarynan 1994 jylǵy er adam men 2013 jylǵy qyz bala kóz jumdy.
Qazirgi kezde QR Qylmystyq kodeksiniń 345-baby 1-bóligine sáıkes sotqa deıingi tergeý amaldary júrgizilýde.
Eske sala keteıik, budan buryn Oralda polıtseıge para bermek bolǵan mas júrgizýshiniń ustalǵanyn jazǵan edik.
Sondaı-aq BQO-da qostanaılyq alaıaq 82 jastaǵy áıeldiń 1,9 mln teńgesin jymqyryp ketken.
