Batys Qazaqstanda «Toyota Camry» KamAZ-ben soqtyǵysyp, úsh adam qaza tapty
ORAL. QazAqparat - Batys Qazaqstan oblysynda «Toyota Camry» «KamAZ» júk kóligimen soqtyǵysyp, úsh adam qaza tapty, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, oqıǵa keshe Shyńǵyrlaý aýdany aýmaǵynda boldy.
Shamamen saǵat 09.30-da Samara-Shymkent jolynda 27 jastaǵy júrgizýshi jeńil kóligimen qarsy jolaqqa shyǵyp ketken. Sóıtip 28 jastaǵy júrgizýshi aıdap kele jatqan «KamAZ» avtokóligimen túıisýge jol bergen.
Sonyń saldarynan jeńil kólikte otyrǵan eki jolaýshy oqıǵa ornynda kóz jumdy.
Taǵy bireýi kórshiles Aqtóbe oblysy Qobda aýdandyq ortalyq aýrýhanasynda qaıtys boldy. Júrgizýshi men taǵy bir jolaýshy aýrýhanaǵa jatqyzyldy.
Qazirgi kezde QR QK 345-baby 4-bóligine sáıkes sotqa deıingi tergeý amaldary júrgizilýde.
