Batys Qazaqstanda tórt jasar balany ıt qapty

Batys Qazaqstan oblysynda tórt jasar balany ıt qapty, dep habarlaıdy QazAqparat tilshisi.

BQO densaýlyq saqtaý basqarmasy baspasóz qyzmetinen túsken málimetke qaraǵanda, oqıǵa 12 qyrkúıek kúni Bórli aýdany ortalyǵy Aqsaı qalasynda boldy.

«Shamamen keshki saǵat 19.00-de aýlada oınap júrgen balany ıt qaýyp, denesiniń birneshe jerinen jaraqat keltirgen. Aýdandyq aýrýhanaǵa ata-anasy jetkizgen balaǵa hırýrg dáriger shuǵyl kómek kórsetip, antırabııalyq vaktsına jasaldy. Sodan keıin jedel Oral qalasyndaǵy oblystyq kópbeıindi balalar aýrýhanasyna jetkizildi. Kúrdeli ota jasalǵan bala em alýdy jalǵastyrýda», - dep habarlady vedomstvodan.

Oblystyq kópbeıindi balalar aýrýhanasy hırýrgııa bólimshesiniń meńgerýshisi Álibı Tólegenovtiń aıtýynsha, bala eki atalyq bezi syrtqa shyǵarylǵan jaraqatyn alǵan. Sondaı-aq, ıt onyń sanynan tistegen. Balanyń jaǵdaıy ortasha aýyr, qalypty.

BQO polıtsııa departamenti baspasóz qyzmetiniń naqtylaýynsha, atalǵan derek boıynsha 13 qyrkúıek kúni ıt ıesi QR Ákimshilik quqyqbuzýshylyq kodeksiniń 407-2-baby 1-bóligine (úı janýarlaryn ustaý erejesin buzý) sáıkes ákimshilik jaýapkershilikke tartyldy. Sonymen qatar, ıesi senbernar tuqymdas ıtin dárimen óltirý týraly shaǵym túsirdi.