Batys Qazaqstanda tórt jasar bala avtoshampýn iship qoıǵan
ORAL. QazAqparat – Batys Qazaqstan oblysynda tórt jasar bala avtoshampýn iship qoıǵan, dep habarlaıdy QazAqparat tilshisi.
BQO polıtsııa departamentiniń baspasóz qyzmeti málim etkenindeı, oqıǵa 19 tamyz kúni keshkisin Báıterek aýdanynda oryn aldy.
Patrýldik polıtsııa batalonynyń qyzmetkerleri saǵat 23.00 shamasynda jol boıynda qatty jyldamdyqpen kele jatqan «GazELЬ» avtokóligin toqtatqan. Júrgizýshi 2016 jylǵy ulynyń avtoshampýn iship qoıyp, oblystyq balalar aýrýhanasyna jedel ákele jatqanyn aıtqan.
Polıtsııa qyzmetkerleri avtokóliktiń aýrýhanaǵa tez jetýi úshin «dáliz» ashyp, jaǵdaı jasaǵan.
«Balaǵa aýrýhanada medıtsınalyq kómek kórsetilip, úıine jiberildi. Báıterek aýdany Makarov aýylynda turatyn balanyń jaǵdaıy qazir jaqsy», dep habarlady departamenttiń baspasóz qyzmeti.
Eske sala keteıik, BQO-da joǵalǵan oqýshynyń tabylǵanyn, aýyl turǵynynyń 172 dana kıik múıizin qoraǵa kómip tastaǵanyn jazǵan bolatynbyz.
.
