Batys Qazaqstanda tórt kúnde 700-ge jýyq adamnan koronavırýs tabyldy
ORAL. QazAqparat – Batys Qazaqstan oblysynda sońǵy tórt táýlikte 690 adamnan koronavırýs tabyldy, dep habarlaıdy QazAqparat tilshisi.
BQO sanıtarlyq-epıdemıologııalyq baqylaý departamenti málim etkenindeı, sonyń 466-synda, ıaǵnı basym bóliginde aýrý belgileri bolsa, 224-inde sımptomsyz ótýde.
Sonyń ishinde JRVI belgilerimen tekserilgen 382, buryn aýyrǵandarmen qarym-qatynasta bolǵan 162, profılaktıkalyq maqsatta qaralǵan 130, statsıonarǵa jatqyzar aldynda synama alynǵan 16 adamnan indet anyqtaldy.
Syrqattanǵandardyń 449-y Oral qalasy, 82-si Báıterek, 60-y Bórli aýdanynyń úlesine tıedi.
Іndet bastalǵannan beri 18613 adam tirkelse, sonyń 14602-si saýyǵyp shyqty. 272 naýqas kóz jumdy.
Barlyq aýyrǵandardyń 10798-i Oralda, 2000-y Bórli, 1929-y Báıterek aýdanynda anyqtalǵan.
Eske sala keteıik, budan buryn Batys Qazaqstanda sáýir aıynda 3 myńǵa jýyq adamnyń koronavırýs juqtyrǵanyn jazǵan bolatynbyz.
