Batys Qazaqstanda tórt kúnde 430 adamnan koronavırýs tabyldy
ORAL. QazAqparat – Batys Qazaqstan oblysynda sońǵy tórt kúnde 430 adamnan koronavırýs tabyldy, dep habarlaıdy QazAqparat tilshisi.
BQO sanıtarlyq-epıdemıologııalyq baqylaý departamenti málim etkenindeı, sonyń teń jartysyna jýyǵy nemese 208-i Oral qalasynda tirkelgen.
Sondaı-aq indet Bórli (74) jáne Báıterek (62) aýdandarynda órship ketip otyr. Tórt kúnde Terektide 23, Syrym men Qaztalovta 13, Tasqalada 9 adamnyń aýyrǵany tirkeldi.
Departament málimetine qaraǵanda, 430 adamnyń 357-sinde aýrý belgileri bolsa, 173-inde sımptomsyz ótýde. 202-sinen JRVI belgileri boıynsha tekserilgen kezde anyqtalsa, 149 adam buryn aýyrǵandarmen qarym-qatynasta bolǵan. Oǵan qosa profılaktıkalyq maqsatta qaralǵan 72, statsıonarǵa jatqyzý aldynda synama alynǵan 7 adamnan koronavırýs tabyldy.
Іndet bastalǵannan beri óńirde 15576 adam syrqattansa, sonyń 12516-sy jazylyp shyqty. 246 adam kóz jumdy.
Eske sala keteıik, budan buryn Oralda bir kúnde 100-den astam polıtsııa qyzmetkeriniń ekpe saldyrǵanyn jazǵan bolatynbyz.
