Batys Qazaqstanda tórt kúnde 400-den astam adamnan koronavırýs anyqtaldy
ORAL. QazAqparat – Batys Qazaqstan oblysynda sońǵy tórt kúnde 401 adamnan koronavırýs anyqtaldy, dep habarlaıdy QazAqparat tilshisi.
BQO sanıtarlyq-epıdemıologııalyq baqylaý departamenti málim etkenindeı, sonyń 304-inde aýrý belgileri bolsa, 97-si –sımptomy joqtar.
Sonyń ishinde 225-i JRVI belgilerimen dárigerge qaralǵan, 133-i buryn indet juqtyrǵandarmen qarym-qatynasta bolǵan. 40-y profılaktıkalyq maqsatta, úsheýi statsıonarǵa jatqyzar aldynda tekserilgen.
Departament málimetine qaraǵanda, aýyrǵandardyń teń jartysynan astamy, ıaǵnı 211-i Oral qalasynyń úlesine tıedi. Sondaı-aq tórt táýlikte Bórli aýdanynda 70, Báıterekte 54, Tasqalada 15, Terektide 12 adamnyń koronavırýs juqtyrǵany belgili boldy.
Іndet bastalǵaly oblysta barlyǵy 20768 adam tirkelse, sonyń 16187-si jazylyp shyqty. 303 naýqas ómirden ozdy.
Eske sala keteıik, budan buryn Batys Qazaqstanda 58 myńnan astam adamnyń koronavırýsqa qarsy ekpe saldyrǵanyn, blokpostar alynǵanymen, shekteý sharalary saqtalatynyn jazǵan bolatynbyz.
Sondaı-aq BQO-da mamyr aıynda 1331 adamnan koronavırýs tabyldy.
