Batys Qazaqstanda tórt kúnde 250-den astam adamnan koronavırýs tabyldy
ORAL. QazAqparat – Batys Qazaqstan oblysynda sońǵy tórt kúnde 257 adamnan koronavırýs tabyldy, dep habarlaıdy QazAqparat tilshisi.
BQO sanıtarlyq-epıdemıologııalyq baqylaý departamenti málim etkenindeı, sonyń 203-inde aýrý belgileri bar bolyp shyqty. Tek 54-i – sımptomy joqtar.
Naýqastardyń 174-i JRVI belgileri boıynsha tekserilgen. 62-si buryn aýyrǵandardan juqtyrsa, 16-sy profılaktıkalyq maqsatta qaralǵan. Beseýinen statsıonarǵa jatqyzar aldynda synama alynǵan.
Dertke shaldyqqandardyń 126-sy Oral qalasy, 43-i Báıterek, 39-y Bórli aýdanynyń úlesine tıedi.
Departament málimetine qaraǵanda, indet bastalǵaly óńirde 23800 naýqas tirkelip, sonyń 18909-y jazylyp shyqty. 357-si kóz jumdy.
Barlyq aýyrǵandardyń 13285-i Oral qalasynda, 2918-i Báıterek, 2641-i Bórli aýdanynda tirkelgen.
Sońǵy táýlikte oblysta 84 adamnan koronavırýs anyqtalsa, 83 naýqas emdelip shyqty.
Eske sala keteıik, budan buryn Batys Qazaqstanda koronavırýspen aýrýhanaǵa jatqandar sany 450-den asqanyn jazǵan bolatynbyz.
