Batys Qazaqstanda tórt elikti óltirgen turǵyn ustaldy
ORAL. QazAqparat - Batys Qazaqstan oblysynda tórt elikti óltirgen turǵyn ustaldy, dep habarlaıdy QazAqparat tilshisi.
Oqıǵa Báıterek aýdany Kırsanov qoryǵynda boldy.
ıAnvartsev janýarlar dúnıesi jáne orman qorǵaý jónindegi memlekettik kommýnaldyq mekemesiniń dırektory Talǵat Іlııasovtyń aıtýynsha, ózderine bekitilgen aýmaqty aralaý kezinde qoryqshylar tuzaq pen eki eliktiń ushasyn taýyp, aıaqkıim izin baıqaǵan.
Sol boıda bul oqıǵa jóninde polıtsııa men orman sharýashylyǵy jáne janýarlar dúnıesi aýmaqtyq ınspektsııasyna habarlandy.
Qylmystyń izi sýymaı Krasnoarmeıskoe aýylynyń 1986 jylǵy turǵyny ustaldy. Onyń mekenjaıynan bólshektelgen taǵy eki eliktiń ushasy, zańsyz aýlaýǵa arnalǵan quraldar tabyldy.
Qazirgi kezde QR QK 337-babyna (zańsyz ańshylyq) sáıkes sotqa deıingi tergeý amaldary júrgizilýde.
Eske sala keteıik, budan buryn Oralda aýyr qylmys jasap, qashyp júrgen ózbekstandyq azamattyń ustalǵanyn jazǵan bolatynbyz.
