Batys Qazaqstanda tórt adamdy jaraqattaǵan qasqyr qutyrǵan bolyp shyqty

ORAL. QazAqparat – Batys Qazaqstan oblysynda tórt adamdy jaraqattaǵan qasqyr qutyrǵan bolyp shyqty, dep habarlaıdy QazAqparat tilshisi.

Shyńǵyrlaý aýdanynyń ákimi Álııa Muhanbetjanovanyń aıtýynsha, oqıǵa 7 mamyr kúni Shyńǵyrlaý aýyldyq okrýgine qarasty Shoqtybaı aýylynda bolǵan edi.

«Qasqyrdyń basyn zertteý qorytyndysy onyń qutyrýǵa shaldyqqandyǵyn kórsetti. Qazirgi kezde Shoqtybaı eldi mekeninde 60 kúnge shekteý qoıyldy. Barlyq úı janýarlary egilip, aýlalarǵa dezınfektsııa jumystary júrgiziledi. Shoqtybaıda barlyǵy 69 aýla bar, 273 turǵyn turady. Qasqyrdyń tisi tıip, jaraqat alǵan turǵyndar emin jalǵastyrýda», dedi QazAqparat tilshisine Á.Muhanbetjanova.

Eske sala keteıik, budan buryn Batys Qazaqstanda tórt adamǵa qasqyr shapqanyn jazǵan bolatynbyz.

Ashyq kózderden alynǵan foto