Batys Qazaqstanda tańdaýshylar daýys berip jatyr

ORAL. QazAqparat - Batys Qazaqstan oblysynda Senat depýtatyn saılaý úshin tańdaýshylar daýys berip jatyr, dep habarlaıdy QazAqparat tilshisi.

BQO máslıhatynyń hatshysy Bıbigúl Qonysbaevanyń málim etkenindeı, tańdaýshylardyń birlesken otyrysyna 185 depýtattyń 172-si nemese 93 paıyzy qatysýda.

Oblystyq aýmaqtyq saılaý komıssııasynyń tóraǵasy Ǵaısa Qapaqov komıssııanyń saılaý aldyndaǵy barlyq is-sharalardy zańǵa sáıkes, merziminde atqarǵanyn jetkizdi.

«Oblys boıynsha barlyǵy 8 úmitker ózin-ózi usyndy. Sonyń ishinde úsheýi tirkeldi», dedi Ǵ.Qapaqov.

Qazirgi kezde depýtattar daýys berýde.

Eske sala keteıik, budan buryn Batys Qazaqstanda Senat depýtatyn saılaýǵa 185 tańdaýshynyń qatyspaqshy ekendigin jazǵan bolatynbyz.