Batys Qazaqstanda taǵy tórt turǵyn jazylyp shyqty
ORAL. QazAqparat – Batys Qazaqstan oblysynda taǵy tórt adam koronavırýstan jazylyp shyqty, dep habarlaıdy QazAqparat tilshisi.
Oblystyq juqpaly aýrýlar aýrýhanasynyń dırektory Nadııa Ahmetovanyń aıtýynsha, olar – Oral qalasy, sondaı-aq Tasqala, Terekti jáne Báıterek aýdandarynyń turǵyndary.
«Báriniń de jaǵdaıy qanaǵattanarlyq. Baqylaý synamalary koronavırýstyń joqtyǵyn kórsetti. Endi olar úılerinde karantınde bolady», dedi N.Ahmetova.
Osylaısha BQO-da emdelip shyqqandar sany 14-ke jetti.
