Batys Qazaqstanda taǵy bir jol jabyldy
ORAL. QazAqparat - Batys Qazaqstan oblysynda taǵy bir jol jabyldy, dep habarlaıdy QazAqparat tilshisi.
BQO jolaýshylar kóligi jáne avtomobıl joldary basqarmasynan túsken málimetke qaraǵanda, jergilikti saǵat 13.15-ten bastap Chapaev-Jańaqala-Saıqyn avtojoly barlyq kólik túrleri úshin jabyldy.
«Qazgıdromet» RMK málimeti boıynsha qolaısyz aýa raıy 28 jeltoqsan kúni de jalǵasady.
Oblystyń basym bóliginde túnde qar jaýady. Keı jerlerde tuman túsip, kóktaıǵaq bolyp, jaıaý burqasyn kóteriledi. Soltústik-batystan soǵatyn jeldiń jyldamdyǵy keı jerlerde sekýndyna 15-20 metrge jetedi.
Oral qalasynda da tuman, kóktaıǵaq, jaıaý burqasyn bolady. Búgin de qalada burqasyn soǵyp, sonyń saldarynan Zachagan kentinde jaryq óship qaldy.
Eske sala keteıik, budan buryn BQO-da jol jabylǵanyn jazǵan bolatynbyz.
