Batys Qazaqstanda taǵy bir jasóspirim sýǵa ketti
ORAL. QazAqparat - Batys Qazaqstan oblysynda taǵy bir jasóspirim sýǵa ketti, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa búgin Oralda Chapaev atyndaǵy zaton aýmaǵynda boldy.
Saǵat 16.08-de 2005 jylǵy jasóspirim shomylýǵa tyıym salynǵan jerden Jaıyq ózenine túsip, batyp ketken.
Saǵat 16.40-ta oqıǵa kýágerleri marqumnyń denesin sýdan shyǵardy.
Oqıǵa ornyna jedel qutqarý jasaǵy (4 adam, 1 tehnıka, 1 júzý quraly), polıtseıler (4 qyzmetker, 2 tehnıka) bardy.
Batys Qazaqstan oblysynda osymen 10 adam sýǵa ketse, sonyń úsheýi jasóspirimder bolyp otyr.
Eske sala keteıik, budan buryn BQO-da jas jigittiń sýǵa ketkenin jazǵan bolatynbyz.
