Batys Qazaqstanda taǵy bir respýblıkalyq jol jabyldy
ORAL. QazAqparat - Batys Qazaqstan oblysynda taǵy bir respýblıkalyq jol jabyldy, dep habarlaıdy QazAqparat tilshisi.
«Qazavtojol» JShS BQO fılıalynyń málimetine qaraǵanda, jergilikti saǵat 16.45-ten bastap aýa raıynyń nasharlaýyna baılanysty (qatty boran, kórý shegi 50 metrge deıin) respýblıkalyq mańyzy bar Samara-Shymkent (195-246 km, Oral qalasynan RF shekarasyna deıin) kúre jolynda barlyq kólik túrleri úshin qozǵalys shekteldi.
Bul týraly QazAqparat tilshisine BQO TJ departamentiniń baspasóz qyzmeti habarlap, óńirde eskertý jarııalanǵanyn jetkizdi.
«3 naýryz kúni óńirdiń keı jerlerinde tuman túsip, kóktaıǵaq bolady. Oǵan qosa ońtústik-batystan soǵatyn jeldiń jyldamdyǵy sekýndyna 15-20 metrge deıin jetýi yqtımal», dep habarlady departamenttiń baspasóz qyzmeti.
Eske sala keteıik, budan buryn BQO-da respýblıkalyq jol jabylǵanyn jazǵan bolatynbyz.
