Batys Qazaqstanda taǵy bir bala átkenshekten qulap, jaraqat aldy
ORAL. QazAqparat - Oral qalasynda 2009 jylǵy ul bala átkenshekten qulap, basynan jaraqat aldy, dep habarlaıdy QazAqparat tilshisi.
Batys Qazaqstan oblysy Densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, oqıǵa keshe keshkisin Zachagan kentinde oryn aldy.
Bala basyn temir átkenshekke soqqan. Basynan ashyq jaraqat alyp, mıyna zaqym kelgen bala qazir qalalyq kópbeıindi aýrýhanada jatyr. Oǵan medıtsınalyq járdem kórsetilýde, ázirge ota jasalǵan joq.
Aıta keteıik, budan buryn 21 mamyr kúni Terekti aýdany Podstepnyı aýyldyq okrýginde 4 jasar bala átkenshekten qulap, ishinen jaraqat alǵan bolatyn. Degenmen ishki aǵza múshelerine zaqym kelmegen. Ol oblystyq kópbeıindi balalar aýrýhanasynda em alýda.
Balalardyń ekeýi de dárigerlerdiń turaqty baqylaýynda.
Illıýstratsııalyq foto
