Batys Qazaqstanda taǵy bir adam sýǵa ketti
ORAL. QazAqparat – Batys Qazaqstan oblysynda taǵy bir adam sýǵa ketti, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa keshe Aqjaıyq aýdany Taıpaq aýylynan 9 shaqyrym jerde Jaıyq ózeninde oryn aldy.
2000 jylǵy jigit shomylýǵa tyıym salynǵan jerden sýǵa túsip, saǵat 12.00-de batyp ketken. Qutqarýshylar marqumnyń denesin saǵat 21.10-de ózennen shyǵardy.
Osymen óńirde sýǵa ketkender sany 26-ǵa jetti, sonyń jeteýi – balalar.
Eske sala keteıik, budan buryn eki kúnde úsh balanyń sýǵa ketkenin jazǵan bolatynbyz.
