Batys Qazaqstanda taǵy alty adam koronavırýstan jazylyp shyqty
ORAL. QazAqparat – Batys Qazaqstan oblysynda taǵy alty adam koronavırýstan jazylyp shyqty, dep habarlaıdy QazAqparat tilshisi.
Oblystyq juqpaly aýrýlar aýrýhanasynyń dırektory Nadııa Ahmetovanyń aıtýynsha, olardyń úsheýi – Tasqala aýdanynyń turǵyndary.
Sondaı-aq bir-bir adamnan Oral men Taraz qalasy jáne Terekti aýdanynan.
«Báriniń de jaǵdaıy qanaǵattanarlyq. Baqylaý synamalary olardyń koronavırýstan aıyqqandyǵyn kórsetti», dedi QazAqparat tilshisine N.Ahmetova.
Osylaısha BQO-da emdelip shyqqandar sany 86-ǵa jetti.
Eske sala keteıik, budan buryn BQO-da taǵy segiz adamnyń emdelip shyqqanyn, koronavırýs juqtyrǵan sońǵy alty naýqas ta Teńiz ken ornynan kelgenin jazǵan bolatynbyz.
