Batys Qazaqstanda taǵy alty adam koronavırýstan emdelip shyqty
ORAL. QazAqparat – Batys Qazaqstan oblysynda taǵy alty adam koronavırýstan emdelip shyqty, dep habarlaıdy QazAqparat tilshisi.
Oblystyq juqpaly aýrýlar aýrýhanasynyń dırektory Nadııa Ahmetovanyń aıtýynsha, olardyń bireýi – Oral qalasynyń turǵyny.
Qalǵan beseýi – Atyraý oblysyndaǵy Teńiz ken ornynda vahtalyq ádispen jasaıtyn óńir turǵyndary.
«Baqylaý synamalary olarda vırýstyń joqtyǵyn kórsetti. Aýrýhanada jatqan qalǵan naýqastardyń jaǵdaıy jeńil ne ortasha kúıde», dedi QazAqparat tilshisine N.Ahmetova.
Osylaısha oblysta saýyǵyp shyqqandar sany 65-ke jetti.
