Batys Qazaqstanda sý tapshylyǵy máselesi qalaı sheshiledi – mınıstrlik usynysy

ASTANA. QazAqparat – Ekologııa jáne tabıǵı resýrstar mınıstrligi ázirlegen Sý resýrstaryn basqarý júıesin damytýdyń 2023-2029 jyldarǵa arnalǵan tujyrymdamasynda batys óńirlerdegi sý tapshylyǵy problemasyn sheshý joldary usynylǵan, dep habarlaıdy QazAqparat tilshisi.

«Sý resýrstarymen jetkiliksiz qamtamasyz etilgen óńirlerdi sharýashylyq aýyz sýmen jabdyqtaý tek toptyq sý qubyrlaryn salý arqyly sheshiledi. Máselen, Kókjıde, Aıshýaq jáne Soltústik Aıshýaq bulaqtarynyń esebinen Atyraý jáne Mańǵystaý oblystarynyń edáýir aýmaǵyndaǵy tapshylyqty joıýǵa bolady. Al Batys Qazaqstan oblysynda sýmen jabdyqtaý máselelerin sheshý úshin Toqpaı, ıAnvartsev jáne Kóshim jerasty sýlarynyń ken oryndaryn paıdalanýǵa bolady», - delingen Ashyq NQA portalynda jarııalanǵan tujyrymdama-jobasynda.

Qujatta jazylǵandaı, barlaý nátıjesinde búgingi kúnge deıin sharýashylyq maqsattarǵa qoldanýǵa bolatyn 201 jerasty sýynyń qory anyqtalǵan. Olardan táýligine 10-50 myń tekshe metr tirshilik nárin alýǵa múmkindik bar.

Buryn habaralaǵanymyzdaı, atalǵan jospardy oryndaý aıasynda 2029 jylǵa deıin Qazaqstan boıynsha 25 jańa sý qoımasy salynady.

Sonymen qatar sý resýrstary boıynsha bilim alýǵa nıetti talapkerler úshin bilim granty artady.