Batys Qazaqstanda sý shaıyp ketken oblystyq jol jabyldy
ORAL. QazAqparat – Batys Qazaqstan oblysynda sý shaıyp ketken oblystyq jol jabyldy, dep habarlaıdy QazAqparat tilshisi.
QazAqparat budan buryn jazǵanyndaı, 24 naýryz kúni Bókeı ordasy aýdany Bısen aýylynan 18 shaqyrym jerde erigen qar sýy joldy basyp qalǵan bolatyn.
BQO TJ departamentiniń baspasóz qyzmeti málim etkenindeı, oblystyq mańyzy bar Chapaev-Jańaqala-Saıqyn jolynyń 192-shaqyrymynda qar sýy joldyń ekinshi betine shyǵyp ketken. Sýdyń beti qaıtpaǵandyqtan, atalǵan jol ýchaskesi jabyldy.
Avtokólikter Bısen aýyldyq okrýgindegi aınalma jol arqyly qumnyń ishimen júrip, Bórli aýylyna nemese Jańaqala aýdanyna qaraı shyǵýda.
Jalpy, sońǵy kúnderi jańbyr jaýǵandyqtan, jol ezilip ketken.
Oqıǵa ornynda jergilikti atqarýshy organdar men polıtsııa bólimi tarapynan kezekshilik uıymdastyryldy.
