Batys Qazaqstanda sý basqan Bórli aýdanynda jarııalanǵan tótenshe jaǵdaı rejımi alynady

ASTANA. QazAqparat – Batys Qazaqstan oblysyndaǵy sý tasqynyna baılanysty Bórli aýdanynda jarııalanǵan jergilikti aýqymdaǵy tótenshe jaǵdaı rejımi alynady, dep habarlaıdy QazAqparat tilshisi.

«Batys Qazaqstan oblysy Bórli aýdany ákiminiń «Bórli aýdany aýmaǵynda jergilikti aýqymdaǵy tabıǵı sıpattaǵy tótenshe jaǵdaıdy jarııalaý týraly» sheshimniń kúshi joıyldy dep tanylsyn», - delingen Ashyq NQA portalynda jarııalanǵan aýdan ákimi Erkebulan Ihsanovtyń sheshim-qujatynda.

Eske salaıyq, sý tasqynyna baılanysty 11 naýryzda Batys Qazaqstan oblysyndaǵy Bórli aýdanynda tótenshe jaǵdaı jarııalanǵan edi. Sol kezdegi Oral qalasy ákimdiginiń aqparatyna saı, aýdandaǵy 8 turǵyn úıdi sý basqan.

Budan bólek, sý tasqynyna baılanysty Oral qalasy men eki aýdanda tótenshe jaǵdaı jarııalandy.