Batys Qazaqstanda sý aıdynynan 3 adam qutqaryldy, bir bala tabylmaı jatyr

ORAL. QazAqparat - Batys Qazaqstan oblysynyń sý aıdyndarynan 3 adam qutqaryldy, taǵy bir adam izdestirilip jatyr, dep habarlaıdy QazAqparat TJM baspasóz qyzmetine silteme jasap.

13 tamyzda Jaıyq ózeniniń boıynda sý qaýipsizdigi boıynsha reıd júrgizip júrgen TJM qyzmetkeri aǵa leıtenant Asar Bısakov shomylýǵa ruqsat etilmegen jerde sýǵa batyp bara jatqan 2007 jyly týǵan jasóspirimdi qutqardy.

Sol kúni jedel-qutqarý jasaǵynyń qutqarýshylary oqıǵa ornyna jaqyn jerde reıd júrgizý barysynda 2011 jyly týǵan jasóspirimdi jáne 1974 jylǵy azamatty dál sondaı shomylýǵa ruqsat etilmegen jerge batyp bara jatqan jerinen qutqaryp aldy.

Qazirgi ýaqytta 2006 jyly týǵan taǵy bir jasóspirim izdestirilip jatyr.